ဒီတစ်ခါတော့ငံပြာရည်ချက်နဲ့ကြက်ဟင်းခါးရွက်ပြုတ်ပြီးတို့စားပါတယ်။ရောက်ကတည်းကတွေ့နေတာကြက်ဟင်း
ခါးရွက်တွေကိုအခုမှပဲဝယ်စားဖြစ်ပါတယ်။သူတို့လူမျိုးတွေကတော့ဘာနဲ့ချက်စားလဲမပြောတတ်ပါဘူး။ကြက်ဟင်း
ခါးရွက်တွေဝယ်တာခဏခဏတွေ့ဖူးတယ်။
 |
| ငံပြာရည်ချက်စပ်စပ်လေး... |
အခါးကြိုက်တဲ့သူတွေအတွက်တော့ကြက်ဟင်းခါးရွက်ကလည်းစားလို့ကောင်းတဲ့အရွက်တစ်မျိုးပါပဲ။ငါးပိလေးနဲ့
ကြော်စားရင်လည်းခါးခါးလေးနဲ့စားလို့ကောင်းပါတယ်။ဟင်းချိုပူပူလေးဆိုလည်းကောင်းပါတယ်။ဟင်းချိုဆိုရင်
တော့အခါးအရသာပိုပါတယ်။ကျုပ်ကတော့ပြုတ်ပြီးတို့စရာအဖြစ်စားရတာကိုသဘောကျတယ်ဗျာ။
ငံပြာရည်ချက်ကလည်းနောက်ရက်ပါထားလို့ရအောင်ဆီနဲ့ပဲကြော်လိုက်တာပါ။ကြက်သွန်နီများများနဲ့ငရုတ်သီး
ခြောက်မှုန်ရယ်၊ပုစွန်ခြောက်ထောင်းရယ်ရောပြီးကြော်ထားပါတယ်။ပုံမှန်အတိုင်းချက်ရင်တော့ကြက်သွန်နီနဲ့
ငရုတ်သီးကြက်သွန်ဖြူထောင်းတာကိုအရင်ဆီသတ်ပြီးကြက်သွန်နွမ်းတဲ့အချိန်ငရုတ်သီးနဲ့ကြက်သွန်ဖြူရော
ထောင်းထားတာကိုထည့်အနံ့မွှေးလာတော့ငံပြာရည်နှစ်ဇွန်းလောက်ထည့်ရေကလေးဇွန်းလောက်ထည့်ပြီး
အရည်ကျဲလေးချက်တာကပုံမှန်ပါပဲ။
 |
| အမည်မသိအချဉ်သီးချက်.... |
 |
| ကြက်ဟင်းခါးရွက်ပြုတ်နဲ့သခွားသီးတို့စရာ... |
ဟိုတစ်ခွက်တော့ဘာသီးလည်းမခေါ်တတ်ပါဘူး။မြန်မာပြည်ကဇောင်းလျားသီးနဲ့ခပ်ဆင်ဆင်အသီးလေးတွေပါပဲ။
အချဉ်အရသာနဲ့မို့စားလို့တော့ကောင်းပါတယ်။အစ်မတစ်ယောက်ချက်ထားတာပါ။မောင်နှမတစ်တွေစုပြီးစား
ဖြစ်တဲ့ထမင်းဝိုင်းလေးမို့သူ့ဟင်းတစ်ခွက်ကိုယ့်ဟင်းတစ်ခွက်နဲ့ထမင်းစားလို့မြိန်တဲ့ထမင်းဝိုင်းလေးဖြစ်ခဲ့ပါတယ်။
နောက်တစ်ခွက်ကတော့ဘူးသီးဟင်းခါးပါ။အဲ့ဒါလည်းအချဉ်သီးချက်တဲ့အစ်မချက်လာတာပါ။ဟင်းစပ်လေးက
တွဲဖက်မိတာမို့စားလို့အတော်ကောင်းပါတယ်။
 | |
| အသားဟင်းဗလာ...ထမင်းနှစ်ခါထည့်ရတဲ့ထမင်းဝိုင်းလေးပါ.... |
အညာမီးဖိုချောင်ကိုလာလည်ရင်းသုံးဆောင်သွားကြပါအုံးဗျာ။
အညာအိုးသူကြီး...
No comments:
Post a Comment